Maguindanao del Sur – Arestado ang Top 1 Most Wanted Person sa Provincial Level sa ikinasang operasyon ng mga awtoridad sa Brgy. Pidsandawan, Rajah Buayan, Maguindanao del Sur nito lamang ika-3 ng Setyembre 2023.
Kinilala ni Police Captain Joel Lebrilla, Hepe ng Rajah Buayan Municipal Police Station, ang naaresto na si alyas “Pata”, residente ng Brgy. Baumol, Lambayong, Sultan Kudarat na may Warrant of Arrest dahil sa kasong Rape by Sexual Assault kaugnay ng Republic Act 7610 o “Special Protection of Children Against Abuse, Exploitation and Discrimination Act.”
Matagumpay na naaresto ang suspek ng pinagsanib na pwersa ng Rajah Buayan MPS, Philippine Army, Provincial Intelligence Unit ng Maguindanao Del Sur Police Provincial Office, Regional Investigation and Detection Management Division PRO BAR, 2nd Provincial Mobile Force Company, Regional Mobile Force Battalion 14 at Regional Special Operations Group.
Patuloy na paiigtingin ng Pambansang Pulisya ng Pilipinas ang pagsasagawa ng operasyon laban sa mga Wanted Persons upang mapanagot sa batas at mabigyang hustisya ang kanilang mga naging biktima.
Panulat ni Patrolman Charlie Nasroden Corpuz
