La Union – Nakiisa sa Kick-off Ceremony ng 29th National Crime Prevention Week ang La Union Police Provincial Office na ginanap sa La Union Police Provincial Office, Camp Diego Silang, Brgy. Carlatan, City of San Fernando, La Union nitong ika-4 ng Setyembre 2023.
Ang Aktibidad ay may temang: “Addressing Crime Prevention at the Local, National and Global Level” kung saan isinagawa kasabay ang Traditional Monday Flag Raising Ceremony.
Pinangunahan ni PCol Lambert Suerte, Provincial Director ng La Union PPO, ang nasabing aktibidad kung saan naging tampok nito ay ang pagbibigay ng parangal sa mga kapulisan na may mga natatanging gawa at sa mga stakeholders na tumutulong sa mga programa, proyekto at aktibidad ng LUPPO.
Si Ginoong Jorge M. Reinante, School Division Superintendent, DepEd La Union naman ang nagsilbing panauhing pandangal kung saan nagpasalamat siya sa mga kapulisan sa walang sawang pagtulong, pagpapatupad ng batas at pagpapanatiling ligtas ang probinsya.
Kasabay ng aktibidad ay ang pagsagawa ng Declaration of Drug Free School ng Saint John Bosco of Northern Luzon by PDEA-RO1.
Isinagawa naman ang isang Memorandum of Understanding sa pagitan ng LUPPO-Police Stations at DepED para sa kooperasyon at teamwork ng dalawang ahensya sa pagsugpo at pagpigil ng anumang mga krimen.
Ang gawaing ito ay naglalayong makabuo ng aktibong suporta at pakikilahok sa kampanya ng Pambansang Pulisya laban sa kriminalidad.
Source: LUPPO
Panulat ni PSSg Carmela G Danguecan
