Cebu City – Pormal na sinimulan ang pagdiriwang ng 29th National Crime Prevention Week sa Central Visayas sa Kick-Off Ceremony na ginanap sa Police Regional Office 7, Camp Sergio Osmeña, Sr., Cebu City noong Biyernes, Septyembre 1, 2023.
Panauhing pandangal at tagapagsalita ng programa ang Alkalde ng Lungsod ng Mandaue, Hon. Jonas C Cortes na kinatawan ni Atty. Ebenezer Daryl Mansano, Head, Mandaue City Substance Abuse Prevention Office Department.
Sa kanyang naging mensahe, binigyang diin ni Atty. Mansano na ang pag-iwas sa krimen (Crime Prevention) ay naglalayong mapabuti at mapangalagaan ang kalidad ng buhay ng bawat Pilipino.
Dagdag pa niya na ang kaligtasan at kaayusan ng komunidad ay hindi lamang responsibilidad ng pamahalaan ngunit ng bawat mamamayan.
“To reiterate, preventing crime in maintaining peace is a collective and shared responsibility that extends beyond the efforts of any single individual in the community and the law enforcement agencies”, aniya.
Kasunod nito muling inihayag ni Atty. Monasano ang suporta sa service-oriented based policing system at holistic approach ng Philippine National Police sa pagsugpo sa lahat ng uri ng krimen sa rehiyon.
Naging highlights ng programa ang unfurling of streamers at sabayang pag-ihip ng mga kalahok ng pito bilang tanda ng kanilang pangako at simbolo ng matibay na ugnayan ng pamahalaan sa mga grupo at sektor ng komunidad para sa maginhawa na buhay.
Kabilang sa mga naging bahagi ng makabuluhang aktibidad ay ang mga miyembro ng PRO 7 Command Group, Staff, National Support Units, mga pinuno at kawani ng NAPOLCOM, DILG, PDEA, at BJMP Central Visayas.
“Addressing Crime and Advancing Crime Prevention at the Local, National, and Global Levels”, ang tema ng naturang pagdiriwang nitong taon.
