Davao del Norte – Handog ng mga tauhan ng Revitalized Pulis sa Barangay (R-PSB) Kamingawan ang libreng gupit para sa mga katutubong Ata-Manobo Tribe na naninirahan sa Sitio Kamingawan, Brgy. Palma Gil, Talaingod, Davao del Norte bandang 7:00 ng umaga nito lamang Setyembre 2, 2023.
Ito ay pinangunahan ni Police Master Sergeant Adrian Tenaja, Team Leader sa ilalim ng superbisyon ni Police Major Rodante Varona, Acting Force Commander ng 2nd Davao del Norte Provincial Mobile Force Company.
Ito ang naging tugon ng PNP para makapaghatid ng tulong sa mga katutubo dahil sa liblib ang kanilang lugar at kailangang maglakad ng tatlong oras mahigit para makarating sa pinakamalapit na barbershop.
Ipinamalas kaagad ni Patrolman Sampiano ang kanyang talento sa paggupit at naghatid ito ng saya sa mga batang naging benepisyaryo sa simpleng tugon ng PNP upang masolusyonan at mas maging presentable ang kabataan sa pagsisimula ng klase.
Patuloy ang PNP sa paghahatid ng tulong upang mapagaan at mapaunlad ang bayan na kanilang pinagsisilbihan habang sinisiguro ang kaayusan, kapayapaan at kaunlaran sa kanilang nasasakupan.
Source: R-PSB Kamingawan
Panulat ni PSSg Grace Neville Ortiz
