Tuluyang napasakamay ng kapulisan ang tinuturing na Top 5 Most Wanted Person ng Cebu sa kasong Rape kasunod ng operasyon na isinagawa sa Purok 2, Brgy. Gatungan, Davao City noong Huwebes, Agosto 31, 2023.
Bunga ng pinagsanib na puwersa ng mga tauhan ng Criminal Investigation and Detection Group Davao Del Norte Field Unit at ng Talisay City Police Station, Cebu Police Provincial Office (CPPO) ang akusado ay nadakip dakong alas-5 ng hapon sa bisa ng Warrant of Arrest.
Ang akusado ay kinilalang si “Ronaldo”, 43, residente ng Purok 5, Sayote, Brgy. Poblacion, Talisay City, Cebu na nahaharap sa kasong 9 Counts of Rape.
Aabot sa halos Php1.8 milyon ang kabuuang rekomendadong piyansa ng korte sa kaso ng akusado.
Kaugnay dito, inabisuhan na ng mga awtoridad ang kinauukulang korte sa pagkakaaresto ni ‘Ronaldo’.
Patunay lamang na kahit gaanong pagtatago ng mga kriminal ang hanay ng kapulisan ay hindi tumitigil at humihinto upang matunton at maaresto ang mga may pagkakasala at pananagutan sa batas.
