South Cotabato – Nakiisa ang mga tauhan ng South Cotabato PNP sa Kick-off Ceremony ng 29th National Crime Prevention Week sa South Cotabato Gymnasium, Koronadal City, South Cotabato nito lamang ika-1 ng Setyembre 2023.
Ang aktibidad ay pinangunahan ni Police Colonel Rogelio Raymundo Jr., Deputy Regional Director for Operation ng Police Regional Office 12, katuwang ang South Cotabato PNP at dinaluhan din ito ng iba’t ibang mga advocacy support groups.
Ang 29th National Crime Prevention Week 2023 Kick-off Ceremony ay may temang “Addressing Crime and Advancing Crime Prevention at the local, National, and Global Levels”.
Kabilang sa mga paksang tinalakay ay ang RA 9165 o Comprehensive Dangerous Drugs Act of 2002, Adverse Effects of Drugs and Drug Identification, Anti-terrorism Awareness, Crime Prevention Safety Tips, at iba pang mga batas.
Ang gawaing ito ay naglalayong makabuo ng aktibong suporta at pakikilahok sa kampanya ng PNP laban sa kriminalidad, insurhensiya at terorismo.
Panulat ni Patrolman Jerrald Gallardo
