Cagayan – Arestado ang isang lalaki ng Tuao PNP sa isinagawang buy-bust operation at paglabag sa COMELEC Gun Ban nito lamang Miyerkules, Agosto 30, 2023.
Kinilala ang suspek na si alyas “Raul”, 43, residente ng Angan, Tuao, Cagayan.
Nakuha mula sa suspek ang anim na sachet ng hinihinalang shabu na may tinatayang timbang na 0.14 gramo at nagkakahalaga ng Php910 at isang sachet na naglalaman naman ng hinihinalang dahon ng marijuana na may tinatayang timbang na 21 gramo at nagkakahalaga ng Php2,400.
Nakumpiska rin mula sa kanya ang isang pistol na naglalaman ng bala ng 12-gauge.
Ang suspek ay nahaharap sa kasong paglabag sa RA 9165, RA 10591 at BP 881 (Omnibus Election Code).
Ang pagkadakip sa suspek ay resulta ng pagpapaigting ng PNP laban sa ilegal na droga at pagpapatupad ng peace and order para sa ligtas at mapayapang BSKE 2023.
Source: PRO2
Panulat ni Police Staff Sergeant Jermae D Javier
