Oriental Mindoro – Nagsagawa ng Community Outreach Program ang mga kapulisan ng Puerto Galera Municipal Police Station sa Pagturian Mangyan School sa Barangay Villaflor, Puerto Galera, Oriental Mindoro noong ika-30 ng Agosto 2023.
Ang aktibidad ay pinangunahan ng Kabataan Kontra Droga at Terorismo sa pangunguna ni Ms. Hanna Myka Atienza, KKDAT President ng MIMAROPA, kasama ang mga tauhan ng Puerto Galera MPS sa pamumuno ni Police Major Jerryll John Lauron, Chief of Police ng Puerto Galera MPS, Oriental Mindoro Tourist Police Unit, 404th Regional Mobile Force Battalion, PSFTP Class 2022-01 maging ang mga Barangay Officials, stakeholders at mga Guro.
Tumanggap ang higit 70 mag-aaral na pawang mga Katutubong Mangyan ng mga gamit pang-eskwela, mga payong at hygiene kits bilang bahagi pa rin ng mga layunin at programa ng KKDAT (Kabataan Kontra Droga at Terorismo) MIMAROPA at sa pinagsama-samang suporta ng mga Kapulisan ng Oriental Mindoro Police Provincial Office bilang ambag sa mga pangarap ng mga kabataang Mangyan ng Puerto Galera.
Matatandaan na noong Agosto 23, 2023 ay higit 90 katutubong mangyan din ang natulungan ng mga Kapulisan at ng Para Sa Bayan Charity, Inc sa naturang lugar.
Ayon naman kay PMaj Lauron, “Patuloy po ang suporta ng ating Kapulisan sa pagtupad ng mga pangarap ng ating mga kabataan, dahilan upang makamit natin ang isang malusog, mapayapa at nagkakaisang pamayanan”.
Panulat ni Patrolman Erwin Calaus
