Ilocos Sur – Arestado ng San Esteban PNP ang Top 1 Most Wanted Person sa Municipal Level sa kasong Qualified Rape nito lamang ika-30 ng Agosto 2023.
Kinilala ni Police Major Aurelio S Manantan, Officer-In-Charge ng San Esteban Municipal Police Station, ang suspek na si Jetro Madriaga y Gayo, residente ng Brgy. Apatot, San Esteban, Ilocos Sur.
Bandang 1:30 PM ng tanghali ng maaresto ang suspek sa bisa ng Warrant of Arrest sa Brgy. Accfa Cabanatuan City, Nueva Ecija ng mga operatiba ng San Esteban PNP katuwang ang Cabanatuan City, Police Station at walang rekomendadong piyansa.
Ang San Esteban PNP ay patuloy sa pagsasagawa ng operasyon laban sa mga taong may pananagutan sa batas para mapanatiling ligtas, tahimik at maayos ang komunidad.
Source: San Esteban Municipal Police Station, Ilocos Sur
Panulat ni Patrolman Dennis P Carinal
