Laguna – Tinatayang Php598,400 halaga ng shabu ang nakumpiska ng Calamba City PNP sa isang High Value Individual (HVI) at isang lalaki sa magkahiwalay na buy-bust operation nito lamang Martes, Agosto 29, 2023.
Kinilala ni Police Colonel Harold Depositar, Officer-In-Charge, Laguna Police Provincial Office, ang dalawang suspek na sina alyas “Corazon’’, HVI at alyas ‘’Jose’’; pawang residente ng Calamba City, Laguna.
Naaresto si alyas ‘’Corazon’’ ganap na 6:58 ng gabi sa Gitnang Bukid, Brgy. Bañadero, Calamba City, Laguna, ng mga operatiba ng Drug Enforcement Team ng Calamba City Police Station at nakumpiska ang limang pirasong plastic sachet ng hinihinalang shabu na may timbang na aabot sa 86 gramo at nagkakahalaga ng humigit kumulang Php584,800, isang pouch na naglalaman ng Php500 bill at buy-bust money.
Samantala, naaresto naman si alyas ‘’Jose’’ ganap na 10:22 ng gabi sa Brgy. 3, Calamba City, Laguna at nakumpiska ang apat na pirasong plastic sachet ng hinihinalang shabu na may timbang na dalawang gramo at nagkakahalaga ng humigit kumulang Php13,600, Php300 drug money at buy-bust money.
Ang dalawang suspek ay nahaharap sa kasong paglabag sa Section 5 at 11 Article 2 ng Republic Act 9165 o Comprehensive Dangerous Drugs Act of 2002.
Ang Laguna PNP ay nagpapasalamat sa mamamayan at hinihikayat na patuloy sa pagtulong sa kapulisan sa pagsugpo sa mga ipinagbabawal na gamot para sa kaligtasan, kaayusan at kapayapaan ng komunidad.
Source: Laguna Police Provincial Office
Panulat ni Police Staff Sergeant Donabel T Dulin
