Albay – Nagsagawa ng Ligtas Balik Eskwela 2023 ang mga tauhan ng Daraga PNP sa buong bayan ng Daraga, Albay ngayong Araw, Agosto 29, 2023.
Mahigit sa 100 na kapulisan ng Daraga MPS ang naka – deploy sa pamumuno ni PLtCol Edmundo Cerillo Jr., Hepe ng nasabing himpilan para sa Ligtas Balik Eskwela 2023.
Nagtayo din ng 23 na Police Assistance Desk malapit sa lahat ng pampubliko at pribadong paaralan sa bayan ng Daraga, Albay upang magbigay ng asistensya sa mga estudyante, guro at magulang kaugnay sa muling pagbubukas ng klase ngayong taon.
Nagsasagawa rin ng Information Drive o pamimigay ng mga flyers ang ating kapulisan na naglalaman ng Ligtas Balik Eskwela Crime Prevention and Safety Tips at mga numero na maaaring tawagan pag kailangan ng police assistance.
Ang hakbang na ito ay sang-ayon sa direktiba ni Chief PNP na nakapaloob sa kanyang 5-Focused Agenda na may layuning mapanatili ang seguridad at kaayusan sa mga paaralan at tiyakin ang kaligtasan ng mga estudyante, guro at magulang.
Source: Daraga Mps Albay Ppo
