Cavite – Nagsagawa ng Feeding Program ang Regional Police Community Affairs and Development Unit (RPCADU) 4A sa ginanap na Balik-Eskwela 2023 sa Tartaria Elementary School nito lamang Martes, Agosto 29, 2023.
Ang aktibidad ay pinangunahan ni Police Colonel Meldrid Patam, Chief, RPCADU 4A, katuwang ang Philippine National Police Academy, mga miyembro ng Force Multiplier na Police Hotline Movement, Inc, mga guro at staff ng nasabing paaralan.
Tinatayang 200 na estudyante mula Kindergarten at Grade 1 ng nasabing paaralan ang nabiyayaan ng mainit na sopas, biscuits, powdered milk at distilled water na lubos nilang ikinasaya at ipinagpasalamat.
Layunin ng nasabing programa na makatulong sa aspetong pangkalusugan, mapalapit ang loob ng mga bata at mapanatili ang tiwala at suporta ng komunidad sa kapulisan.
Panulat ni Police Staff Sergeant Donabel T Dulin
