Davao City – Arestado ang isang indibidwal sa patuloy na isinasagawang Manhunt Charlie Operation ng mga awtoridad sa Veteran’s Village, Panacan, Davao City nito lamang Agosto 30, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Greg”, 45, residente ng nasabing lugar na tinaguriang Top 4 Most Wanted Person sa Station Level.
Inaresto ang suspek sa bisa ng Warrant of Arrest sa kasong 2 counts ng Acts of Lasciviousness na may Criminal Case Number R-DVO-23-00330/00331-CR na inihain ng pinagsamang tauhan ng Sasa Police Station at Davao City Maritime Police Station.
Patuloy sa pagsasagawa ng operasyon ang Police Regional Office 11 upang ilagay sa likod ng rehas ang mga taong may pananagutan sa batas.
Panulat ni Patrolman Alfred Vergara
