Ilocos Norte – Nakiisa ang kapulisan sa lalawigan ng Ilocos Norte sa isinagawang bloodletting activity noong ika-28 ng Agosto 2023 na ginanap sa Brgy. Barani, City of Batac, Ilocos Norte.
Kasama sa mga nakibahagi ang mga kapulisan ng Ilocos Norte 2nd Provincial Mobile Force Company sa pamumuno ni Police Captain Elison L Pasamonte, Platoon Leader, kasama ang mga kapulisan ng City of Batac Police Station.
Ang nasabing bloodletting activity ay inisyatibo ng naturang barangay sa pakikipagtulungan ng Mariano Marcos Memorial Hospital and Medical Center, Children of Batac Association Canada at Don Basilio Castro Corpuz Charity.
Layunin ng aktibidad na makalikom ng sapat na supply ng dugo para sa mga nangangailangang pasyente sa buong probinsya pati na rin sa mga karatig-lalawigan.
Samantala, ito ay isa rin sa mga pagmamalasakit ng PNP na matulungan ang mga lubhang nangangailangan upang matustusan ang pangangailangan ng dugo sa panahon ng emergency.
Source: Ilocos Norte 2nd Provincial Mobile Force Company
Panulat ni PSSg Lhenee Bulanday Valerio
