Laguna – Arestado ang isang Top 9 City Most Wanted Person sa kasong Homicide sa isinagawang manhunt operation ng Sta. Rosa PNP nito lamang Sabado, Agosto 26, 2023.
Kinilala ni Police Colonel Harold Depositar, Officer-In-Charge, Laguna Police Provincial Office, ang suspek na si alyas “Steely’’, residente ng Santa Rosa City, Laguna.
Naaresto ang suspek ganap na 11:15 ng umaga sa Brgy. Tagapo, Sta. Rosa City, Laguna sa bisa ng Warrant of Arrest sa kasong Homicide na may nirekomendang piyansa na aabot sa Php120,000.
Ang Laguna PNP ay mas pinalawak at pinalakas ang operasyon laban sa mga wanted persons para mapanagutan ang kasalanan at mabigyan ng hustisya ang kanilang mga biktima.
Source: Laguna Police Provincial Office
Panulat ni Police Staff Sergeant Donabel T Dulin
