Occidental Mindoro – Timbog ang isang High Value Individual sa isinagawang buy-bust operation ng Occidental Mindoro PNP sa Purok 2, Brgy. Magsikap, Rizal, Occidental Mindoro noong ika-26 ng Agosto 2023.
Kinilala ni Police Colonel Jun Dexter Danao, Provincial Director ng Occidental Mindoro PPO, ang suspek na may alyas na “Balat”, 37 at residente ng Rizal, Occidental Mindoro.
Ayon kay PCol Danao, naaresto ang suspek sa ikinasang buy-bust operation ng mga tauhan ng Regional Police Drug Enforcement Unit (RPDEU) katuwang ang Municipal Drug Enforcement Unit ng Rizal MPS at Provincial Drug Enforcement Unit ng Occidental Mindoro Police Provincial Office.
Ang nasabing suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002 matapos makabili ng hinihinalang ilegal na droga sa nagpanggap na poseur buyer kapalit ng 1,000 piso.
Narekober mula sa suspek ang pera na ginamit bilang buy-bust money at tatlong plastic sachet ng hinihinalang shabu na may kabuuang timbang na humigit kumulang .45 gramo na nagkakahalaga ng Php3,000.
Ang pagkakadakip sa suspek ay resulta ng serbisyong nagkakaisa, magandang ugnayan at pagmamalasakit ng mamamayan at kapulisan sa komunidad at sa deriktiba ni PCol Jun Dexter Danao, Provincial Director ng Occidental Mindoro Police Provincial Office, na lalo pang pagpapaigting ng pagpuksa sa ilegal na droga sa lalawigan ng Occidental Mindoro para sa kaayusan at kapayapaan tungo sa kaunlaran ng bansa.
Panulat ni Patrolman Erwin Calaus
