Benguet – Timbog ang dalawang Street Level Individual (SLI) sa ikinasang buy-bust operation ng mga awtoridad sa Sitio Cada, Brgy. Balili, Mankayan, Benguet nito lamang ika-25 ng Agosto 2023.
Matagumpay ang nasabing operasyon sa pinagsanib na pwersa ng DEU-Benguet PPO, DEU-Mankayan MPS at Benguet Police Provincial Office.
Kinilala ni Police Brigadier General David Peredo Jr., Regional Director ng Police Regional Office Cordillera, ang naarestong suspek na sina alyas “Dave” at alyas “Myra”, pawang mga residente ng naturang lugar.
Nakuha mula sa dalawang suspek ang 3.12 gramo ng hinihinalang shabu na nagkakahalaga ng Php21,216, isang transparent plastic sachet na may lamang 0.12 crystalline substance na hinihinalang shabu na nagkakahalaga ng Php816, isang heat-sealed transparent plastic sachet na naglalaman 0.28 ng crystalline substance na hinihinlang shabu na nagkakahalaga ng Php1,904.
Mahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Ito ay bunga ng walang humpay na pagbibigay katuparan ng pulisya sa sinumpaang tungkulin upang tuldukan ang problema sa ilegal na droga at hadlangan ang mga panganib na dulot nito sa komunidad.
