Iloilo City – Timbog ang isang babaeng binansagang Estafa Queen sa ikinasang buy-bust operation ng PNP sa Ledesma St., Brgy. Ed Ganzon, City Proper, Iloilo City noong ika-23 ng Agosto 2023.
Ang nasabing operasyon ay inilunsad ng pinagsamang mga operatiba ng Iloilo City Police Station 1 at Iloilo City Drug Enforcement Unit bandang alas-1:08 ng umaga.
Ang subject person ay kinilalang si Ana Pedrajas y Mallorca, 48 taong gulang, residente ng Oton, Iloilo.
Ayon kay Police Captain Roque Gimeno III, Hepe ng ICPS1, nahuli si Pedrajas sa aktong pakikipagpalitan nito ng isang pakete ng suspected shabu sa nagpanggap na posuer-buyer sa halagang Php8,000.
Maliban sa buy-bust item nakuha pa sa posesyon ng suspek ang 22 pakete ng pinaghihinalang shabu, at iba pang mga non-drug items.
Lahat ng nakumpiskang droga sa subject person ay tumitimbang ng 70 gramo na may halagang aabot sa Php476,000.
Matatandaang nahuli si Ana Pedrajas noong Mayo 2023 matapos nitong tangayin ang pera ng kanyang Landlord sa inuupahang bahay at positibong kinilala rin ng mga kanyang mga nabiktima dahil sa pang-iisscam nito, ngunit nakalaya rin ito makaraang makapiyansa.
Nakakulong na ang suspek sa himpilan ng Iloilo City Police Station 1 at kasong paglabag sa RA 9165 o Comprehensive Dangerous Drugs Act of 2002 ang kakaharapin nito.
Samantala, pinuri ng PRO6 Top Cop, PBGen Sidney N Villaflor, Regional Director, ang buong hanay ng Iloilo City Police Office para sa kanilang matagumpay na operasyon.
“Ipagpatuloy po natin ang masigasig na pagsugpo ng ilegal na droga at para sa tuluyang katiwasayan ng buong Western Visayas. Sa ating mga mamamayan, kami po ay humihingi ng inyong patuloy na suporta sa laban nating ito, nawa’y magkaisa po tayo na maabot ang ating adhikaing maging drug-free ang Iloilo City, pati na ang buong rehiyon,” aniya.
