Pasay City – Humantong sa pagkakadakip ng dalawang suspek ang isinagawang mobile patrolling ng mga tauhan ng Sub-station 5 ng Pasay City Police Station nito lamang Martes, Agosto 22, 2023.
Kinilala ni PBGen Roderick Mariano, District Director ng SPD, ang mga suspek na sina Jerome, 24 at Analyn, 37.
Ayon kay PBGen Mariano, naaresto ang mga suspek bandang alas-10:30 ng gabi ng Station Drug Enforcement Unit ng Pasay CPS sa Pasay Cemetery sa kahabaan ng Sgt. Mariano St, Brgy. 145, Zone 16.
Nakuha mula sa possession at control ng mga suspek ang apat na pakete ng pinaghihinalaang shabu na humigit kumulang 55.36 gramo na nagkakahalaga ng Php304,480, isang asul na pitaka kasama ang kanilang mga perang ginamit sa pagsusugal.
Paglabag sa R.A. 9165, o mas kilala bilang “Comprehensive Dangerous Drugs Act of 2002” at PD 1602 o Illegal Gambling ang mga suspek.
“Muling pinagtitibay ng SPD ang pangako nitong labanan ang mga ilegal na aktibidad sa ating komunidad at hinihikayat ang mga residente na mag-ulat ng anumang kahina-hinalang aktibidad upang mapanatili ang isang ligtas at mapayapang komunidad. Ang pinag-isang komunidad ay isang mas ligtas na komunidad”, ani PBGen Mariano.
Source: SPD PIO
Panulat ni PSSg Remelin M Gargantos
