Quezon City — Umabot sa Php680,000 halaga ng shabu ang nasamsam sa tatlong suspek matapos magsagawa ng buy-bust operation ang mga tauhan ng Station Drug Enforcement Unit, Police Station – 5 ng Fairview Police Station, QCPD nito lamang Miyerkules, Agosto 23, 2023.
Kinilala ni PBGen Jose Melencio C Nartatez Jr, Regional Director ng NCRPO, ang mga naarestong suspek sa pangalang Renzo, 27; Ross, 37; at Danny Mar, 25.
Ayon kay PBGen Nartatez Jr, nangyari ang operasyon bandang 10:00 ng gabi sa Brgy. Greater Fairview, Quezon City na nagresulta sa pagkakadakip sa mga suspek.
Nakuha mula sa possession at control ng mga suspek ang humigit kumulang 100 gramo ng hinihinalang shabu na nagkakahalaga ng Php680,000; isang (1) kalibre .45; at tatlong (3) kalibre .45 na bala.
Reklamo para sa paglabag sa Seksyon. 5, 26, at Seksyon 11 ng Artikulo II ng R.A. 9165 o Comprehensive Dangerous Drugs Act of 2002, at Article 151 ng Revised Penal Code ang kahaharapin ng tatlo.
“Patuloy nating huhulihin ang mga nagbebenta at source ng mga ilegal na droga sa Metro Manila upang maging drug-free na ang ating rehiyon”, ani PBGen Nartatez, Jr.
Source: PIO NCRPO
Panulat ni PSSg Remelin M Gargantos
