Cavite – Aktibong nakiisa sa Brigada Eskwela ang Regional Police Community Affairs and Development Unit (RPCADU) 4A na may temang “Bayanihan para sa Matatag na Paaralan’’ sa Tartaria Elementary School, Brgy. Tartaria, Silang, Cavite nito lamang Huwebes, Agosto 24, 2023.
Ang aktibidad ay pinangunahan ni Police Colonel Meldrid Patam, Chief, RPCADU 4A, katuwang ang mga staffs at estudyante ng nasabing paaralan.
Ang mga grupo ay nagwalis ng kapaligiran, nagdamo at nagtanggal ng tubig sa mga gulong at mga basyo.
Bukod dito, namigay din ng mga gamit panglinis tulad ng walis tingting at mga basahan.
Layunin nitong mabigyan ng maaliwalas, maayos at kumportableng paaralan para sa mga bata para maiwasan ang sakit at sakuna at mapalakas ang ugnayan ng pulisya at komunidad.
Panulat ni Police Staff Sergeant Donabel T Dulin
