Naga City – Tinatayang Php612,000 halaga ng shabu ang nakumpiska sa isang lalaki sa inilunsad na buy-bust operation ng pinagsamang operatiba ng Naga City PNP sa Room 217, Sampaguita Tourist Inn, Magsaysay Avenue, Barangay Balatas, Naga City nito lamang Agosto 22, 2023.
Kinilala ni Police Colonel Nelson Pacalso, City Director ng Naga City Police Office, ang naarestong suspek sa alyas na “Nel”, 42, may asawa, walang trabaho at residente ng #6 Renacemiento St., Barangay Tabuco, Naga City.
Ayon kay PCol Pacalso, bandang 4:40 ng hapon ng isinagawa ang operasyon ng pinagsanib na mga operatiba ng Naga City Intelligence Unit, Naga City Drug Enforcement Unit at Naga City Police Station 6 sa pakikipag-ugnayan sa PDEA RO5.
Nakumpiska mula sa suspek ang 17 pakete ng hinihinalang shabu na tumitimbang ng 85 gramo na may street value na Php612,000.
Mahaharap ang suspek sa kasong paglabag sa R.A. 9165 o ang Comprehensive Dangerous Drugs Act of 2002.
Ang matagumpay na operasyon ay bunga ng walang tigil at mas pinaigting na kampanya ng PNP Bicol kontra ilegal na droga upang mapanatili ang kaayusan at gawing drug free ang rehiyon mula sa ipinagbabawal na gamot.
Source: Naga City Police Office
