Misamis Occidental – Nasa 25 na sako ng mga basura ang nakolekta sa isinagawang Coastal Clean-up Drive ng Ozamiz Maritime Police Station nito lamang ika-20 ng Agosto 2023 sa Brgy. San Antonio, Ozamiz City, Misamis Occidental.
Ang aktibidad ay naisagawa na pinangunahan ng mga tauhan ng Ozamiz Maritime Police Station sa pangunguna ni Police Major Julie Buac, Station Chief.
Aktibong nakilahok din ang mga Barangay Officials, Kabalikat CIVICOM/SOS Ozamiz Chapter, Mt. Malindag Lodge no. 130 at mga mangingisda sa naturang barangay.
Tulong-tulong na paglilinis ang isinagawa ng naturang mga grupo at may kabuang 25 na sako ng mga basura ang nakolekta sa dalampasigan.
Layunin ng aktibidad na panatilihin ang kagandahan at kalinisan ng karagatan na pinagkukunan ng hanap buhay ng mga residente ng naturang barangay.
Panulat ni Patrolman Joshua Fajardo/RPCADU10
