Nueva Ecija – Binawi ng anim na miyembro ng Alyansa ng Mamamayang Nagkakaisa (ALMANA) ang kanilang suporta sa Communist Party of The Philippines-New People’s Army-National Democratic Front (CPP-NPA-NDF) na ginanap sa Brgy. Calabasa, Gabaldon, Nueva Ecija nito lamang Lunes, ika-21 ng Agosto 2023.
Ito ay pinangunahan ni Police Lieutenant Colonel Cornelio Ordanza, Force Commander ng Nueva Ecija 1st Provincial Mobile Force Company.
Naisakatuparan ang pagbabalik-loob ng mga anim na dating komunistang teroristang grupo at lumagda ng Oath of Allegiance to the Government na nagpapatunay sa pagtalikod sa maling gawain ng mga makakaliwang grupo.
Samantala, nagbigay ng food packs ang Nueva Ecija PNP kaugnay sa Enhanced Comprehensive Local Integration Program o E-CLIP program ng ating pamahalaan.
Sinisiguro ng Nueva Ecija PNP ang walang humpay na paghihikayat sa ating mga kababayan na kasapi sa CPP-NPA-NDF na magbalik-loob sa ating pamahalaan tungo sa pagkamit ng isang maunlad na bayan.
Source: Nueva Ecija Police Provincial Office
Panulat ni PCpl Jeselle V Rivera
