Samar – Arestado ang isang drug personality sa isinagawang buy-bust operation ng mga awtoridad sa Magsaysay extension, Brgy. Rawis, Calbayog City, Samar nito lamang Agosto 20, 2023.
Kinilala ni Police Lieutenant Colonel Joy Leanza, Officer-In-Charge ng Calbayog CPS, ang naaresto na si alyas “Margo”, Brgy. Secretary ng Brgy. Palencia, Tarangnan, Samar.
Naaresto ang suspek bandang 12:59 ng tanghali ng pinagsamang tauhan ng Calbayog City Police Station-Station Drug Enforcement Team at Samar Police Provincial Office-Provincial Drug Enforcement Unit kasama ang PDEA-8 Samar Provincial Office.
Nakumpiska mula sa suspek ang dalawang pirasong sachet ng hinihinalang shabu na tumitimbang ng humigit kumulang 2 gramo na may tinatayang market value na Php13,600.
Mahaharap ang suspek sa kasong paglabag sa Sec 5 and 11 Art II of RA 9165 o Comprehensive Dangerous Drugs Act of 2002.
Patuloy na hinihimok ng PNP at PDEA ang mamamayan na patuloy na suportahan ang kapulisan sa sama-samang paglaban kontra ilegal na droga para sa pagkamit ng payapa at maayos na lipunan.