Davao City – Tinatayang Php200,000 halaga ng shabu ang nasamsam at arestado ang isang lalaki sa isinagawang buy-bust operation ng mga awtoridad sa Purok West B, Brgy. San Antonio, Agdao, Davao City nito lamang Agosto 20, 2023.
Kinilala ni Police Major Antonio Luy, Station Commander ng Bajada Police Station, ang suspek na si alyas “Per”, 32, residente ng Denias Village, Puting Lupa, Brgy. San Antonio, Agdao, Davao City na tinaguriang Top 2 High Value Individual sa City Level.
Ayon kay PMaj Luy, naaresto ang suspek matapos mahuli sa akto ng pagbebenta ng ilegal na droga sa nagpanggap na poseur buyer na tauhan ng Bajada Police Station.
Nakuha mula sa suspek ang ilang pakete ng hinihinalang shabu na may bigat na humigit kumulang na 24 gramo na may street market value na Php200,000 at marked money.
Kasong paglabag sa Republic Act 9165 o Comprehensive Dangerous Drugs Act of 2002 ang isinampa sa suspek.
Ang Police Regional Office 11 ay patuloy sa pagsasagawa ng operasyon kontra sa ilegal na droga upang makamit ang layunin na gawing drug-free ang Rehiyon Onse.
Panulat ni Patrolman Alfred Vergara
