Rizal – Tinatayang Php181,424 halaga ng shabu ang nakumpiska sa isang lalaki sa ikinasang buy-bust operation ng San Mateo PNP nito lamang Linggo, Agosto 20, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si alyas ‘’Kambal’’, 28, residente ng Brgy. San Rafael, Rodriguez, Rizal.
Naaresto ang suspek dakong 8:25 ng umaga sa parking area ng 2430 Skies Hotel, Beneliza Street, Brgy. Ampid 1, San Mateo, Rizal ng mga operatiba ng San Mateo Municipal Police Station na may koordinasyon sa Philippine Drug Enforcement Agency 4A.
Nakumpiska mula sa suspek ang walong pirasong pakete na naglalaman ng white crystalline substance na hinihinalang shabu na may timbang na humigit kumulang 26.68 gramo at nagkakahalaga ng Php181,424, isang color brown na coin purse, isang unit ng cellular phone, isang pirasong Php500 bill (marked money), isang unit ng Yamaha Mio Soul motorcycle at isang nutshell helmet.
Ang suspek ay nahaharap sa kasong paglabag sa Section 5 at 11 Article 2 ng Republic Act 9165 o Comprehensive Dangerous Drugs Act of 2002.
Patuloy na lalabanan at hindi titigil sa pagsugpo sa ilegal na droga ang San Mateo PNP sa tulong ng mga mamamayan upang mapanatili ang ligtas, maayos at mapayapang komunidad.
Source: Rizal Police Provincial Office
Panulat ni Police Staff Sergeant Donabel T Dulin
