Malabon City — Umabot sa Php109,480 halaga ng shabu ang nasabat sa tatlong suspek matapos magkasa ng operasyon ang mga operatiba ng Malabon City Police Station nito lamang Linggo, Agosto 20, 2023.
Kinilala ni Northern Police District Director, PBGen Rizalito Gapas, ang mga naarestong suspek na sina alyas “Joseph”, 55, Pusher/Listed, may live-in partner, at residente sa Block 8, Lot 48, Hito Street, Brgy. Longos, Malabon City; alyas “Nine”, 32, Pusher/Newly Identified, babae, live-in partner ni alyas “Joseph”, at kasalukuyang naninirahan sa Block 49, Lot 14, Phase 2, Bonito Street, Brgy. NBBS Navotas City; at alyas “Jojo”, 40, User/Newly Identified, binata, nagtitinda ng tela, at kasalukuyang naninirahan sa Block 3, Lot 118, Phase 2, Area 3, Pampano Street, Brgy. Longos, Malabon City.
Ayon kay PBGen Gapas, nangyari ang nasabing operasyon bandang 11:30 ng gabi sa kahabaan ng Block 9, Hito Street, Brgy. Longos, Malabon City na nagresulta sa pagkakadakip sa mga suspek.
Nakumpiska sa kanila ang apat (4) na piraso ng heat-sealed plastic transparent sachet na naglalaman ng hinihinalang shabu na may kabuuang timbang na humigit kumulang 16.10 gramo at may Standard Drug Price na Php109,480; at isang (1) piraso ng tunay Php500 na ginamit bilang buy-bust money.
Kasong paglabag sa RA 9165 o Comprehensive Dangerous Drugs Act of 2002 ang kahaharapin ng mga suspek.
Patuloy ang Pambansang Pulisya sa pagsasagawa ng mga operasyon lalo na sa kampanya kontra ilegal na droga at hindi titigil sa pagsugpo nito upang hindi na makapahamak ng mga inosenteng indibidwal.
Source: SPD PIO
Panulat ni PSSg Remelin M Gargantos
