Lapu-Lapu City – Isang daang Muslim Salaam Police Advocacy Group, youth, elders, at leaders na benepisyaryo ng Proyektong: “SALAAM” (Serbisyo Alang sa mga Kaigsuonang Lumad na Aktibo at Alyadong Muslim) ng Police Regional Office 7 ang nakatanggap ng mga iba’t ibang serbisyo na ginanap sa Barangay Basak, Lapu-lapu City, Cebu nito lamang Biyernes, Agosto 18, 2023.
Ang aktibidad ay pinangunahan ni Police Colonel Noel Flores, Deputy Regional Director for Operations kasama ang mga tauhan ng Regional Community Affairs and Development Division sa pangunguna ni Police Colonel Emelie Santos at Regional Police Community Affairs and Development Unit 7.
Solido ring nagpaabot ng suporta ang City Director ng Lapu-Lapu City Police Office, Police Colonel Elmer S Lim, kasama ang RMDU 7, RLU 7, RRSU 7 na naghandog ng mga serbisyo kagaya ng medical check-up, legal consultation, police clearance assistance, at pamamahagi ng mga relief goods, hygiene kits, at bitamina.
Sa mensahe ni Police Brigadier General Anthony A Aberin, Regional Director ng PRO 7, na ipinaabot ni PCol Flores ay kanyang pinasalamatan ang Muslim community ng Lapu-lapu City sa pangunguna ni Imam Abdurrahim Lopez, President, Salaam Advocacy Group para sa kanilang masigasig na suporta at pakikilahok sa aktibidad maging sa patuloy na pakikipag-ugnayan ng mga ito sa ating kapulisan.
Ang matagumpay na pagsasakatuparan ng aktibidad ay upang palakasin at palawakin ang kaalaman ng komunidad laban sa terorismo at pag-iwas sa krimen sa pamamagitan ng mga lecture at symposia alinsunod sa National Task Force to End Local Communist Armed Conflict.
