Quezon City — Arestado ng mga tauhan ng Anonas Police Station (PS 9) ang isang lalaki matapos mahulihan ng granada at baril nito lamang Sabado, Agosto 19, 2023.
Kinilala ni PBGen Nicolas Torre lll, District Director ng QCPD, ang suspek sa pangalang Carlomagno, 28 at residente ng No. 48 Davao St., Brgy. Payatas B, Quezon City.
Ayon kay PBGen Torre lll, nagsagawa ng entrapment operation ang mga operatiba ng PS 9 at Criminal Investigation and Detection Unit matapos makatanggap ng sumbong sa isang confidential informant sa pagbebenta umano ng hindi rehistradong baril ang suspek sa Brgy. Payatas, Brgy. Batasan Hills, at Brgy. Commonwealth, Quezon City
bandang 8:30 ng gabi na nagresulta sa kanyang pagkakaaresto.
Narekober ng mga otoridad ang isang (1) hand grenade, isang (1) revolver caliber .38 na kargado ng apat (4) na cartridge, at Php500 na boodle money.
Mahaharap naman ang suspek sa kasong paglabag sa R.A. 10591 o Comprehensive Firearms and Ammunition Regulation Act at R.A. 9516.
Pinuri naman ni PBGen Torre III ang mga operatiba ng PS 9 at CIDU sa kanilang mabilis na pagtugon.
Source: SMART PIO QCPD
Panulat ni PSSg Remelin M Gargantos
