Camarines Sur – Arestado ang Top 8 Most Wanted Person ng National Capital Region Police Office (NCRPO) sa kasong Murder sa isinagawang joint operation ng kapulisan nito lamang Huwebes, Agosto 17, 2023.
Kinilala ni NCRPO, Acting Regional Director, PBGen Jose Melencio C Nartatez Jr, ang akusado na si alyas “Jerwin C Dela Cruz”, lalaki, 23 taong gulang.
Siya ay inaresto sa bisa ng Warrant of Arrest sa kasong murder na walang inirekomendang piyansa.
Ayon kay PBGen Nartatez Jr, nagsagawa ng joint police operation ang Police Station 6, Batasan, Quezon City Police District bilang lead unit kasama ang Regional Intelligence Division – NCRPO, Criminal Investigation at Detection Unit, QCPD, at 5th Mobile Force Battalion, Intel Operatives para sa matagumpay na pag-iimplementa ng Warrant of Arrest na nagresulta sa pagkahuli sa akusado 10:30 ng gabi sa Brgy. Bagumbayan, Libmanan, Camarines Sur.
“Ang agarang paghuli sa akusado ay nagpapatunay na hindi tumitigil ang pulisya sa pagganap ng kanilang tungkulin saan mang lugar dito sa Pilipinas upang mabigyang linaw ang mga kinakaharap na kaso ganun din upang mabigyan ng hustisya ang mga biktima. Asahan ninyo na lalo pang paiigtingin ng pulisya ng NCRPO ang aming pagtatrabaho upang matugunan ang iba pang mga pinaghahanap ng batas,” ani PBGen Nartatez Jr.
Source: PIO NCRPO
Panulat ni PSSg Remelin M Gargantos
