Kalinga – Tinatayang Php2,100,000 halaga ng marijuana ang nadiskubre sa isinagawang marijuana eradication ng mga pinagsamang operatiba ng Tinglayan Municipal Police Station, Tanudan MPS at 1503rd Manuever Company ng Regional Mobile Force Battalion 15 sa Brgy. Ngibat, Tinglayan, Kalinga nito lamang Agosto 18, 2023.
Ayon kay Police Colonel Freddie Lazona, Officer-In-Charge, Kalinga Police Provincial Office, nagresulta ang marijuana eradication sa pagkadiskubre ng dalawang plantasyon ng marijuana sa bulubundukin ng nasabing lugar.
Ayon pa kay PCol Lazona, ang nadiskubreng dalawang plantasyon ay may lawak na 800 square meters at may nakatanim na 10,500 fully grown marijuana na nagkakahalaga ng tinatayang Php2,100,000 Standard Drug Price.
Ang mga nadiskubreng mga halaman ng marijuana ay binunot at sinunog sa mismong lugar samantala, walang naiulat na nahuling cultivator subalit sinisiguro ni PCol Lazona na paigtingin ang imbestigasyon upang mapuksa ang lahat ng mga itinanim na ipinagbabawal na halaman gayundin ang pagkahuli ng mga cultivators nito.
