Negros Oriental – Napasakamay na ng kapulisan ng Central Visayas ang isa sa mga tinuturing na Top Most Wanted Person ng rehiyon kasunod ng operasyon na inilunsad sa Brgy. Poblacion 7, Dumaguete City, Negros Oriental, Sabado, Agosto 19, 2023.
Sa pinagsanib na puwersa ng mga tauhan ng Criminal Investigation and Detection Group (CIDG) Negros Oriental Provincial Field Unit (PFU), Regional Intelligence Unit 7, Negros Oriental Police Provincial Office, at Cebu City Mobile Force Company, nadakip ang akusado na kinilalang si alyas “Junwy” dakong alas-9:40 ng umaga.
Ang suspek ay inaresto sa bisa ng Warrant of Arrest para sa kasong Murder.
Nakakulong ngayon ang naarestong suspek sa CIDG Negros Oriental PFU habang inabisuhan na ang kinauukulang korte sa pagkakadakip nito.
Sa tulong ng komunidad at sa tuloy-tuloy na pagpapaigting at pagpapahusay ng kapulisan ng kanilang serbisyo ay naging malaking papel sa tagumpay ng operasyon.
