Aurora – Nagbalik-loob ang 16 na miyembro ng Communist Terrorist Group (CTG) sa mga awtoridad sa Brgy. Dibacong, Casiguran, Aurora nito lamang Huwebes, ika-17 ng Agosto 2023.
Nagbunga ang pagsisikap ng mga tauhan ng Aurora 2nd Provincial Mobile Force Company sa pangunguna ni Police Lieutenant Colonel Cielo Caligtan, Force Commander dahil boluntaryong nagbalik-loob ang 16 na CTGs.
Napag-alaman na mga dating miyembro ng Milisyang Bayan ng Bagong Hukbong Bayan na aktibong nag-ooperate sa Casiguran, Aurora.
Bilang pagpapatunay at pagpapakita ng katapatan sa pamahalaan ay lumagda ang mga ito ng Oath of Allegiance to the Government.
Kasabay nito, ang boluntaryong pagsuko ng isang baril, mga bala, granada, bandila ng CPP-NPA-NDF at iba pang mga gamit.
Samantala, nag-abot kaagad ng tulong ang mga awtoridad at inaasikaso ang mga papeles para sa Enhance Comprehensive Local Integration Program o ECLIP na programa ng ating pamahalaan.
Patunay lamang na naging epektibo ang pagsisikap ng Aurora 2nd PMFC sa kanilang pagpapaigting ng kampanya laban sa insurhensiya at terorismo sa bansa.
