Nueva Ecija – Boluntaryong nagbalik-loob ang 10 dating rebelde na dating miyembro ng Liga ng Manggagawang Bukid (LMB) sa mga awtoridad sa Sitio Dalaydayan, Brgy. Guimba, Nueva Ecija nito lamang Martes, ika-15 ng Agosto 2023.
Ang naturang pagbabalik-loob na pinamunuan ni Police Major Bryan Christopher Baybayan, Force Commander ng Nueva Ecija 2nd Provincial Mobile Force Company.
Lumagda ang mga ito ng Oath of Allegiance to the Government na kung saan nagpapatunay sa kanilang katapatan sa pagbabalik-loob sa pamahalaan.
Handog naman ng pulisya ang agarang tulong tulad ng bigas at grocery packs.
Kaugnay ito sa programa ng pamahalaan na Enhanced Comprehensive Local Integration Program o ECLIP na naglalayong tulungan ang ating mga kababayan na kasapi sa mga komunistang teroristang grupo na nais magbalik-loob sa pamahalaan.
Ito ay bunga ng pagsisikap ng Nueva Ecija PNP sa tulong ng mamamayan kaya naging epektibo ang kampanya laban sa insurhensiya at terorismo.
