Benguet – Tinatayang Php350,000 halaga ng marijuana ang nadiskubre sa isinagawang marijuana eradication ng mga awtoridad sa Sitio Legab, Bakun, Benguet nito lamang hapon ng Agosto 16, 2023.
Ayon kay Police Captain Jonathan Palabay, Officer-On-Charge, Bakun Municipal Police Station, nadiskubre ang isang plantasyon ng marijuana sa isang communal forest sa nasabing sitio na may lawak na 350 square meters at may nakatanim na 1,750 fully grown marijuana na tinatayanng nagkakahalaga ng Php350,000.
Kaagad namang binunot, at sinunog sa mismong lugar ang nadiskubreng marijuana, samantata, walang naiulat na nahuling cultivator subalit sinisiguro ni PCpt Palabay na paigtingin ang kanilang imbestigasyon upang mapuksa ang lahat ng mga itinanim na ipinagbabawal na halaman gayundin ang pagkahuli ng mga cultivator nito.
