Laguna – Aktibong nakiisa sa isinagawang Brigada Eskwela na may temang “Bayanihan para sa Matatag na Paaralan’’ ang mga miyembro ng Regional Police Community Affairs and Development Unit (RPCADU) 4A sa Buntog National High School, Sitio Buntog, Brgy. Canlubang, Calamba City, Laguna nito lamang Biyernes, Agosto 18, 2023.
Ang aktibidad ay pinangunahan ni Police Colonel Meldrid Patam, Chief, RPCADU 4A, katuwang ang Regional Mobile Force Batallion-Curao, mga staff ng nasabing paaralan, magulang at kabataan at mga miyembro ng Force Multiplier na Police Hotline Movement, Inc.
Ang mga grupo ay nagwalis ng kapaligiran, naglinis sa loob ng silid-aralan, nagpintura at nagkumpuni ng mga sirang kisame, silya at mesa.
Bukod dito, namigay din ng mga gamit panglinis tulad ng walis tingting, walis tambo, basahan, timba at tabo at mga sabon ang pulisya.
Layunin nitong mabigyan ng maaliwalas, maayos, kumportableng paaralan para sa mga bata para maiwasan ang sakit at sakuna at mapalakas ang ugnayan ng pulisya at komunidad.
Panulat ni Police Staff Sergeant Donabel T Dulin
