Misamis Oriental – Hindi alintana ang init ng sikat ng araw at putik sa isinagawang tree planting activity ng mga tauhan ng Misamis Oriental Police Provincial Office sa Purok 11, Bay-Bay, Lower Jasaan, Misamis Oriental nito lamang ika-16 ng Agosto 2023.
Ito ay pinangunahan ni Police Colonel Cholijun Caduyac, Acting Provincial Director ng Misamis Oriental Police Provincial Office, katuwang ang Jasaan Municipal Police Station, Regional Finance Service Office 10, at mga kabataan.
Sa kabuuan nasa mahigit kumulang 200 buto ng bakawan ang naitanim sa naturang lugar.
Kasama din sa adbokasiya ng Misamis Oriental PNP ang pagpukaw sa kamalayan ng mga mamamayan sa kahalagahan ng kalikasan sa pamamagitan ng pagtatanim ng iba’t ibang puno o tree planting activity.
Panulat ni Patrolman Edwin Baris/RPCADU10
