Isabela – Nagsagawa ng Community Based Immersion Program ang BISOC Class Sandatag mula sa RSTU 2 sa ilalim ng pamumuno ni Police Lieutenant Colonel Jectopher Haloc na ginanap sa Brgy. Mangga, Quezon, Isabela noong ika-15 ng Agosto 2023.
Isinagawa ang aktibidad sa pamamagitan ng Oplan Tuli sa mga binatilyo, hair cut para sa lahat, feeding program at palaro na lalo pang ikinagalak ng mga bata.
Naging masaya ang lahat ng dumalo sa mga pinamigay na food packs, tsinelas at school supplies para sa mga bata.
Lubos naman ang pasalamat ng mga magulang lalo na ang mga may anak na nagpatuli dahil malaking tulong umano sa kanila ito.
Layunin ng aktibidad na makapagdulot ng saya sa mamamayan at makatulong sa mga pamilya na kapus-palad.
SOURCE: RSTU 2
Panulat ni PSSg Jerlyn V Animos
