Cebu City – Matagumpay ang isinagawang Brigada Eskwela ng mga tauhan ng Police Regional Office 7 na ginanap sa Abellana National School, Osmeña Blvd, Cebu City nito lamang Martes, Agosto 15, 2023.
Pinangunahan ni Police Colonel Emelie D Santos, Chief, Regional Community Affairs and Development Division at Police Lieutenant Colonel Leoncio Baliguat Jr., Acting Chief, RPCADU 7 ang aktibidad na malugod naman na nilahukan ng mga mag-aaral at guro ng naturang paaralan.
Nagsimula ang aktibidad sa paglilinis ng mga silid-aralan at maliliit na pagkukumpuni ng mga upuan at mesa at iba pang pasilidad.
Bukod dito, nagsagawa din ng information drive ang grupo upang paalalahanan ang mga magulang at estudyante sa pag-iwas sa krimen.
Ang aktibidad ay isang paghahanda sa nalalapit na pagbubukas ng mga klase para sa School Year 2023-2024 at pagpapatupad ng OPLAN Balik-Eskwela upang matulungan ang kahandaan ng institusyon para sa seguridad at mga pangangailangan nito.
