Palawan – Arestado ang isang Most Wanted Person sa isinagawang operasyon ng mga tauhan ng Sofronio Española Municipal Police Station sa Barangay Panitian, Sofronio Espanola, Palawan noong ika-14 ng Agosto 2023.
Kinilala ni Police Major Bernard Dela Rosa, Officer-In-Charge ng Sofronio Española MPS, ang suspek na may alyas na “Akel”, 37, residente ng Narra, Palawan at kabilang sa Most Wanted Person Rank no. 7 sa Regional Level.
Ayon kay PMaj Dela Rosa, naaresto ang suspek sa isinagawang joint operation ng mga tauhan ng Sofronio Española MPS, PIT PALAWAN RIU 4B, Palawan PIU, Palawan PIDMU, at 1st PMFC sa bisa ng Warrant of Arrest sa kasong 3 Counts ng Statutory Rape na walang inirekomendang piyansa.
Ang ating PNP ay hindi titigil sa paglaban sa mga may pagkakasala sa batas at iba pang ilegal na aktibidad para manatiling ligtas at maayos ang komunidad.
Panulat ni Patrolman Erwin Calaus
