Rizal – Tinatayang Php272,000 halaga ng shabu, baril at bala ang nakumpiska sa isang lalaki sa ikinasang buy-bust operation ng Rodriguez PNP nito lamang Martes, Agosto 15, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si alyas “Jeff”, 37, residente ng Brgy. Burgos Rodriguez, Rizal.
Naaresto ang suspek bandang 7:35 ng gabi sa kahabaan ng Airalex, Brgy., Burgos, Rodriguez, Rizal ng mga operatiba ng Rodriguez Municipal Drug Enforcement Team (MDET).
Nakumpiska sa suspek ang siyam na pakete ng hinihinalang shabu na may bigat na humigit kumulang 40 gramo at tinatayang nagkakahalaga ng Php272,000, isang kalibre .38 na baril, tatlong pirasong bala ng caliber .38, isang piraso ng Php500 bill bilang marked money, isang piraso ng sling bag, at isang piraso ng coin purse.
Nahaharap ang suspek sa kasong paglabag sa Section 5 at 11 Article 2 ng Republic Act 9165 o Comprehensive Dangerous Drugs Act of 2002 at Sec. 28 ng RA 10591 o Comprehensive Firearms and Ammunition Regulation Act.
Patuloy na paigtingin ng Rodriguez PNP sa tulong ng mga mamamayan ang kampanya kontra ilegal na droga para mapanagot ang mga nagtutulak at gumagamit nito at mapanatili ang ligtas, maayos at mapayapang komunidad.
Source: Rizal Police Provincial Office
Panulat ni Police Staff Sergeant Donabel T Dulin
