Tawi-Tawi – Nagsagawa ng Community Outreach Program ang mga tauhan ng 5th Regional Mobile Force Company ng RMFB BASULTA sa mga residenteng Person With Disability (PWD) ng Brgy. Tubig Basag, Bongao, Tawi-Tawi nito lamang ika-15 ng Agosto 2023.
Pinangunahan ni Police Captain Davis Panisigan ang naturang aktibidad na may temang “Kapwa Ko, Sagot Ko”.
Naging matagumpay ang aktibidad na nakapagpamahagi ng food packs sa mga residente ng naturang lugar.
Samantala, ang aktibidad na ito ay nagpapatunay lamang sa tunay na malasakit ng pulisya sa ating mga kababayang lubos na nangangailangan at isa din itong paraan upang mas lalo pang pagtibayin ang relasyon sa pagitan ng PNP at ng komunidad.
Panulat ni Patrolman Charlie Nasroden Corpuz
