Lanao del Sur – Tinatayang Php130,000 halaga ng shabu ang nakumpiska habang limang katao ang arestado sa isinagawang buy-bust operation ng Lanao del Sur Police Provincial Office sa Brgy. Banga, Marawi City, Lanao del Sur nito lamang ika-14 ng Agosto 2023.
Kinilala ni Police Brigadier General Allan Nobleza, Regional Director ng PRO BAR, ang mga naarestong suspek na si alyas “Tagi”, subject ng operasyon, at mga kasamahan nitong sina alyas “Jalil”, “Usman”, “Sohayle”, at alyas “Edris”.
Ayon kay PBGen Nobleza, isang operatiba ang nagpanggap na poseur-buyer ang bumili ng shabu kay alyas “Tagi”, nang aarestuhin na ang suspek ay sinubukan nitong tumakas at tumakbo sa loob ng isang residential house kung saan nahuli sa akto na gumagamit ng ilegal na droga ang apat pa nitong kasamahan na naaresto.
Nakumpiska sa opersayon ang 12 heat-sealed transparent plastic na naglalaman ng pinaniniwalaang shabu na may bigat na humigit-kumulang 19.2 gramo na tinatayang nagkakahalaga ng Php130,560; 2 pirasong one-thousand-peso bill (genuine at boodle money); 2 gunting; 2 improvised tooter; isang Samsung keypad phone; mga lighter; at samu’t saring identification card.
Naging matagumpay ang operasyon dahil sa pinagsamang tauhan ng Provincial Special Operations Group, Provincial Drug Enforcemen Unit, 1st Provincial Mobile Force Company ng Lanao del Sur PPO, 1403rd RMFC, at Marawi City Drug Enforcement Unit.
Isinagawa ang physical inventory ng mga narekober na ebidensya sa harap ng mga naarestong suspek at sinaksihan nina Media representative Ibrahim Sultan at Brgy. Chairwoman Hon. Sahara A Bacarat.
Pinuri naman ni PBGen Nobleza, ang mga operatiba dahil sa matagumpay na operasyon. Muli rin niyang iginiit na ang PRO BAR ay patuloy na nakikipagtulungan sa PDEA at iba pang law enforcement agencies para mapuksa ang mga maliliit at malalaking drug peddler sa buong Bangsamoro Region.
Panulat ni Patrolman Charlie Nasroden Corpuz
