Marikina City – Nakiisa ang mga tauhan ng Community Assistance and Development Division (CADD) ng Police Community Affairs and Development Group (PCADG) sa ginanap na Brigada Eskwela sa San Roque National High School, San Roque, Marikina City nito lamang umaga ng Agosto 16, 2023.
Pinangunahan ni Police Lieutenant Colonel Veronica Peñalosa, Assistant Chief ng CADD sa pamumuno ni Police Brigadier General Lou Evangelista, Director ng PCADG, ang nasabing aktibidad.
Nakiisa rin sa naturang aktibidad ang mga miyembro ng Anti-Narcotics International Assistance Group, Inc. (NARIAG), isang aktibong Accredited Non-Government Organization (NGO) ng PNP at ang mga guro at mag-aaral ng nasabing paaralan.
Sama-Samang nagpintura at naglinis ng mga silid-aralan at kapaligiran ng nasabing paaralan ang mga nakiisa sa Brigada Eskwela.
Namigay din ang mga miyembro ng NARIAG ng 50 piraso ng school supplies para sa mga piling mag-aaral ng San Roque National High School.
Samantala, nagpasalamat naman si Ms. Merian A Dizon, Principal at si Herminia Joy Artes, Brigada Eskwela Coordinator ng San Roque National High School sa pakikiisa ng pulisya sa kanilang Brigada Eskwela.
Ang inyong Pambansang Pulisya ng Pulisya ay patuloy na makikiisa sa paghahanda at pagpapaganda ng bawat paaralan para sa ligtas at handang pasukan ngayong taon.
