Batangas – Arestado ang Provincial Most Wanted Person sa kasong Rape sa ikinasang manhunt operation ng Batangas PNP nito lamang Agosto 13, 2023.
Kinilala ni Police Colonel Samson Belmonte, Provincial Director ng Batangas Police Provincial Office, ang suspek na si alyas “Jesus”, 47, may asawa, construction worker, residente ng Brgy. Platero, Biñan City, Laguna.
Ayon kay PCol Belmonte, bandang 4:00 ng hapon naaresto ang suspek sa Brgy. Real, Calamba City, Laguna ng mga operatiba ng Tanauan City Police Station katuwang ang Batangas Maritime Police Station Special Operations Unit 3 sa bisa ng Warrant of Arrest sa kasong panggagahasa (Rape) na walang inirekomendang piyansa.
Patunay nito na ang Batangas PNP ay patuloy sa pagtuligsa sa mga wanted persons para panagutan ang kasalanan, mabigyan ng hustisya ang naging biktima at malagay sa likod ng rehas.
Source: Batangas Police Provincial Office-Public Information Office
Panulat ni Police Staff Sergeant Donabel Dulin
