Iloilo City – Timbog ng pulisya ang apat na High Value Individual matapos mahulihan ng nasa Php1.2 milyong halaga ng shabu sa buy-bust operation sa Brgy. Desamparados, Jaro, Iloilo City bandang 3:30 ng hapon ng ika-12 ng Agosto 2023.
Kinilala ang apat na nahuling suspek na sina aka “Toto/Tawi”, 23; aka “Ja”, babae, 22; aka “Pani”, 45, at si aka “Taplik”, 50, at sila ay pare-parehong residente sa distrito ng Jaro, Iloilo City.
Ang operasyon ay ikinasa ng pinagsamang mga tauhan ng Iloilo City Drug Enforcement Unit, Iloilo City Police Station 1, Iloilo City police Station 3 at Special Weapons and Tactics (SWAT) ng ICPO.
Ayon kay PCpt Roque Gimeno III, CDEU Team Leader nasabat sa mga suspek ang tinatayang 180 gramos ng suspected shabu na nagkakahala ng Php1,220.000.00.
Ayon pa kay PCpt Gimeno III, narekober din ang Php25,000.00 na ginamit bilang buy-bust money, Proceeds money na Php600.00, ilang mga drug paraphernalia at mga non-drug items.
Dinala ang mga naarestong suspek sa himpilan ng Jaro PNP para karampatang disposisyon at kasong paglabag sa RA 9165 (Comprehensive Dangerous drugs Act of 2023) ang kanilang kakaharapin.
Ang sunod-sunod na operasyon kontra ilegal na droga sa syudad ay nagpapatunay ng epektibong pagganap ng Iloilo City PNP upang tuluyang masugpo ang pagkalat ng ipinagbabawal na droga sa lungsod.
