Muntinlupa City — Tinatayang nasa Php340,000 halaga ng shabu ang nakumpiska sa isinagawang buy-bust operation ng mga tauhan ng Muntinlupa City Police Station Drug Enforcement Unit nito lamang Sabado, Agosto 12, 2023.
Kinilala ni PBGen Roderick Mariano, District Director ng Southern Police District, ang mga suspek na sina Analyn Salimbago, 38, na nakalista bilang HVI/pusher; at alyas “Jon”, 45.
Ayon kay PBGen Mariano, nangyari ang nasabing operasyon bandang alas- 12:00 ng madaling araw sa kahabaan ng E. Rodriguez St. PNR Site, Brgy. Tunasan, Muntinlupa City na humantong sa pagkakaaresto sa dalawang drug suspect.
Nakuha mula sa mga suspek ang apat na heat-sealed transparent plastic sachet na naglalaman ng pinaniniwalaang shabu na tinatayang may timbang na 50 gramo at nagkakahalaga ng Php340,000, Php1,000 na ginamit bilang buy-bust money at isang black leather pouch.
Paglabag sa Section 5 at 11 Article II ng Republic Act 9165 (Comprehensive Dangerous Drugs Act of 2002) ang kahaharapin ng mga nahuling suspek.
Ang matagumpay na operasyon ng kapulisan ng Southern Metro ay dahil sa walang humpay na pagsasagawa ng kampanya kontra ilegal na droga upang makamit ang isang mas ligtas at mapayapang komunidad.
Source: SPD PIO
Panulat ni PSSg Remelin M Gargantos
