General Santos City – Nagsagawa ng Coastal Clean-up ang mga tauhan ng PNP Maritime Group sa dalampasigan ng Barangay Lagao, General Santos City nitong ika-11 ng Agosto 2023.
Pinangunahan ni Police Captain Mercelino Antonio Nalus, Station Chief, ang aktibidad kasama ang mga tauhan ng PNP Maritime Group at Barangay Lagao Saviors of the Sea na boluntaryong nakiisa sa paglilinis.
Umabot sa mahigit 50 na sako ng mga tuyong dahon, plastik at sanga ang nakolekta sa isinagawang paglilinis.
Nagpasalamat naman ang mga residenteng naninirahan malapit sa lugar dahil sa pagtulong sa kanila ng mga kapulisan na malinis ang kanilang nasasakupan.
Ang mga ganitong aktibidad ay naglalayong mapanatili ang kalinisan ng ating yamang dagat upang maiwasan ang polusyon na maaaring makasira dito.
Panulat ni Patrolman Charnie Atienza Mandia
