Bohol — Matagumpay na nagsagawa ng Community Outreach Program ang mga tauhan ng Talibon Municipal Police Station sa Purok 8, Brgy. San Agustin, Talibon, Bohol nito lamang Miyerkules, Agosto 09, 2023.
Ang aktibidad ay pinangunahan ng mga tauhan ng naturang istasyon sa pangangasiwa ni Police Captain Amelito Melloria, Chief of Police ng Talibon Municipal Police Station katuwang ang mga stakeholders ng Mabolo PNP, Local Government Unit ng Talibon sa pamumuno ni Hon. Janette Aurestila Garcia at U8 Consumer Goods Trading-Talibon.
Tinatayang nasa 100 na mga bata ang nabiyayaan ng mga bagong damit, pantalon, sandals, at tsinelas na tiyak na makakapagbigay ng ngiti sa kanilang mga mukha.
Bukod dito, nakapagbigay din ng mga food packs sa dalawang pamilyang nakakaranas ng kahirapan at nutritional snack para sa mga bata. Nagkaroon din ng diyalogo para sa mga anti-criminality issues, child abuse, anti-bullying, child exploitation, at women’s rights.
Naging matagumpay ang aktibidad dahil sa sama-samang pagtutulungan ng mga kapulisan at mga stakeholders nito sa pamamagitan ng programang G.O.O.D.C.O.P.S ng Talibon PNP upang mapaunlad pa ang mga positibong relasyon sa loob ng komunidad.
